மெ. தாமஸ் தங்கராஜ்

4/5பி, செயிண்ட் லூக்நகர், திருநெல்வேலி, 627 011.

அன்புடையீர்

திருச்சி நகரில் நிகழ்ந்த பட்டறையில் உங்கள் அனைவருடைய பங்கேற்பை நான் பெரிதும் பாராட்ட விரும்புகிறேன். நீங்கள் இயற்றிப் பாடிய பாடல்களைக் கேட்டு மிக மகிழ்ந்தேன்.  உங்களால் இயன்ற அளவு நீங்கள் அனைவரும் முயன்று பாடல்களை எழுதி இசை அமைத்திருக்கிறீர்கள்.  இன்னும் சிறந்த முறையில் நீங்கள் செயல்பட ஒரு சில ஆலோசனைகள்;

1.       பெரும்பாலான பாடல்கள் உங்கள் வாழ்வில் நீங்கள் அனுபவித்த நன்மைகள், கிருபைகள் பற்றி அமைந்துள்ளன. அது நல்லதுதான்.  ஆனால், இன்று நாம் நமது வாழ்க்கையில் சந்திக்கும் சவால்கள், நமது சமுதாயத்தில் மேலோங்கி நிற்கிற பிரச்சனைகள் போன்றவைப் பற்றிய பாடல்கள் மிகவும் தேவை.  நீங்கள் வெறும் கவிஞர் மட்டும் அல்லர்; ஒர் இறைவாக்குரைக்கும் தீர்க்கதரிசியும் கூட.  எனவே, அடுத்து பாடல் எழுதும் போது, உங்களைப்பற்றி மட்டும் சிந்திக்காமல் உங்களை சுற்றியுள்ள நடப்புகளைப் பற்றி எண்ணம் கொண்டு புதிய  பாடல்களை உருவாக்குங்கள்.

2.      தமிழ் மொழி நயம் பற்றிய அக்கறை உங்கள் பாடலகள் பலவற்றில் இல்லை. எதுகை, மோனை, சொல்வளம், கவிதைநயம், போன்றவற்றில் அதிக கவனம் நீங்கள் செலுத்தவில்லை.  கொடுக்கப்பட்ட நேரம் போதுமானதாக இல்ர்லாமல் இருந்திருக்கலாம்.  எந்த பாட்டு எழுதினாலும், இது அழகு தமிழ் தானா என்ற வினாவை எழுப்ப மறந்துவிடாதீர்கள்.

இந்த இரண்டு குறைகள் தான் நான் சுட்டிக்காட்ட விரும்பியவை.  மீண்டும் உங்களைப் பாராட்டுகிறேன்.  கடவுள் உங்கள் பாடல் எழுதி இசை அமைக்கும் திருப்பணியை ஆசீர்வதிப்பாராக

அன்புடன்,

மெ. தாமஸ் தங்கராஜ்.

ஜூலை, 23, 2009.